靚女

從小到大, 我都不覺得自己靚......"靚女"這個term, 離自己很遠。同時, 我又沒有羨慕一些公認為靚女的女仔, 亦沒有打算做些什麼(例如扮靚)來令自己靚多一點......總之, 我唔覺得自己非常貪靚......

長大了一點後, (應該是中學至大學啦), 我開始感覺到靚女在社會上會有一些優勢。我估計, 我應該是接受了這是一種社會現象, 而我又不會有辦法去改變, 唯有接受 (認命); 或者, 甚至會看不起一些看起來只是利用自己美貌來達到目的的女仔。 我估計, 我總是覺得自己有的是實力, 我不用靠個樣。

剛出來工作的時候, 我不會 make up返工; 直至最近幾年, 我日日full make up 返工, 有好一些舊同事基本上沒有見過我素顏的樣子。我想, 我是開始讓步, 因為在這個社會, first impression 好重要, 而 first impression 包括個樣。

我講咁多, 是因為最近發生了一件事, 又是關於舊公司的舊阿姐蕭小姐。

話說在我離開公司之前不久, 剛巧舊阿姐要請人replace一個 junior position, 我跟同事吹水 (呢位同事個位比較近大門口, 見倒D人出出入入):

我: 喂, 我阿姐見左幾多人呀?

同事: 好多啦, 不過冇用啦, 冇個靚.

我: (奇怪地) 下, 又唔係選港姐, 再加上呢個係junior位, 唔會見人個喎

同事: (出奇地) 下, 你唔知你阿姐請人係睇樣先嫁咩? 佢次次IN完出來就會問我地"呢個個樣點嫁啦"

(我無言)

同事:冇扼你嫁, 唔信? 你睇下你自己, 同埋XXX(同 team 另一位同我同grade的同事), 你地兩個個樣.....
(註: 我估, 同事的意思是, 我和XXX都是靚女)

直到現在, 我每一次想起, 我的反應都是: 唔係麻......!!!!!!